失蹤左一個禮拜多d 終於番黎了!!!! 話說屋企無啦啦裝修，於是我都無啦啦去左表姐屋企暫住幾日，所以daisies 呢邊差唔多成半個月冇update過! 不過而加終於番到黎了~~~~

呢幾排發生的事..有好有唔好啦，唔開心就係海泉灣的plan因為有朋友搵到工所以取消了...開心o既係 7 月去韓國o既plan 已經搞得 77 88，而加已經俾了學費，又訂埋機票，成行機會真係 99%了，其實而加個心都有d驚的，話哂係自己第一次一個人單獨出國仲要去咁耐...心情係幾緊張的。不過我估如果我安排得好d，睇多d資料應該會無問題。其實我去韓國今次一個月，大部份時間都係讀書..因為星期一至五都要上堂，不過因為好早落堂，所以應該有好多時間行首爾，六日可以去遠d過江道原玩下，當初有少少妙想天開想去busan, 濟洲同青山島...後來睇睇下發現真係冇咩可能，一黎錢問題，二黎去一去都 7 - 8 個鐘再多d...一個女仔真係幾危險。本來諗住平平地坐轉機去仁川，後來發現都係太危險....其實去旅行最緊要都係安全。呢個月d時間都係會花係準備o既事上面了~ 準備o既事就係日誌個邊同大家分享吧!