L'Arc~en~Ciel  Tour HK 080524

好開心呀 等左咁多年,今日終於可以親身同佢地見面,實在等太久了
大大話話都鐘意左佢地10幾年啦~
之前買唔到飛,後來突然買到,仲要係靚位,個天都係整定我可以見佢地 哈哈
早2個星期前,為左等今日既來臨,突登去買con 帶!!
我第一次買con 咋 >_< 好驚篤落眼既感覺
不過為左佢地,咁樣係值得既!!!
結果捉左阿娜陪我去,檢驗既結果= = 原來我只係得100 同50度
等我仲以為自己好深添

今日一放工,拿拿臨訓返陣先!! 枓足精神!!
之後就起身整野,帶con !!結果用左成10min 先攪得惦!
第一次戴 算唔慢啦掛

之後就出去搵方方同軒, 但係俾佢地激死左..
明明係佢地約我食野,攪到我中午都冇食,去陪佢地食
結果2個人都食左野= =可惡

食完後,就準備出發了!! L'Arc~en~Ciel 我們來了@@
係巴士站,阿方問左一個好好笑既問題,再次值明,佢真係井底黎嫁 wakkakakaka
但我估佢應該唔俾我係呢到打出黎 如果唔係都好想分享下 呵呵~

係巴士上面,同方方打mh2g ,而笨笨的軒 竟然冇帶=3= 唯有係到訓下覺仔啦


坐左一個鐘頭巴士,終於到機場博覽館了.
入到去的確好大@@



















         咁唔小得既就係 同L'Arc~en~Ciel 影返張相先啦!!










                             好有型 !!














         




最後到左門口.....原來係真係...唔俾影相嫁T_T
等我仲叫左軒拎部巨野去添...真係唔好意思啦

最後等埋阿娜黎,我地就正式入場了,排隊勁多人呀~~

入到去多人到~~~














       真係人山人海@@

   
   












  









呵呵,呢邊就係我的坐位方向,都算幾近個台呢, 大家見唔見到綠色呢個阿生呢~ 佢真係成場成坐大山咁擋足我全場嫁~~
嬲嬲地,未開場已經企定先= ="











 







等待開場中,影下今次既成員先
ME & 方方




















阿娜 & ME
阿娜是全晚最HIGH 個果~
真係冇叫錯佢黎 哈哈










影影下相,都已經8點半了~
突然成場黑晒~之後就一片嘈吵~當然就係L'Arc~en~Ciel 出場啦







WOW 型爆
佢地用左Get out from the shell 黎做開場, 個型模會慢慢好似烈開咁樣,之後唱完慢個段,佢地就出現啦~

hyde 型死啦~~
狂扭腰~~正呀~






由於場地唔可以影相,所以都冇影到了>_<
附上幾張佢地15周年日本個場演唱會既相黎過著引先








hyde既眼神,殺死人啦


























聲超靚,樣靚,超型
連黏舌都咁正~
!!!

點睇都唔似真實年齡呢





其實今次個show, 我雖然唔記得晒d歌名, 但我都算幾勁,差不多佢唱既隻隻都聽過嫁!! hyde 開mic 個陣仲好關心呢次四川既地震災情...叫我地唔好唔開心
hyde:(佢好得意咁 係未出聲之前口up up 咁諗一次先  好可愛)
你 好 嗎 ？ 我 係 L'Arc~en~Ciel ， 要 你 等 好 耐 啦 ！ 中 國 發 生 地 震 ， 但 係 希 望 你 今 日 開 心 。 有 冇 問 題 ？ 冇 問 題 ？ 」 台 下 fans 即 大 叫 「 冇 問 題 」

到阿ken : 
佢好攪笑呀,仲要有埋相片黎表達佢既野,
'因為他們乘早機抵港，係飛機到訓著左,所以冇食飛機餐,由於肚餓，所以立即到酒店吃三文治,好好食。完成記招後即往吃飯, 食左隻雞,本身覺得好好食,但係佢又啤著佢 (之後影著隻雞頭既相) 哈哈, 之後食魚,本身覺得好好美,但係條魚又啤著佢(之後又影著條魚頭) 哈, 最後佢將2樣野放埋一齊 扮kiss 好好笑

之後個演唱會勁有氣分, 可能我未去過band show, 我覺我今次係最high 同埋最好玩既一次!!差不多下半場時,仲全場玩人浪, 初時我地仲以為 佢地係中間出場添@@ 當佢地出返場既時候, 4個solo 唱stay away  正呀~ hyde 仲係咁用中文講
跳呀~跳呀~~ 全場high 到爆呀 ~之後hyde 仲企埋落人堆入面, wow 勁正呀 企最前面個d 個個都可以模到佢>_< 

tetsu 仲開始丟蕉仔 >_<都係得前面有, 好唔開心
不過今次可以咁遲買飛,而仲買到咁前 已經好開心嫁啦
真係估唔到自己咁好彩添呀

開心既時刻過得突別快, 話咁快hyde 就已經話最後一隻歌啦 嗚嗚
之後就一齊唱ぁなた >_< 好感動呀....
之後話完就完 嗚= = 點解冇人叫encore 既?= ="

最後帶著唔捨得既心情係場內狂影!!








呢張就係所有成員啦










   






     唔捨得都要講88了 t_t
  












原本諗著係樓下買佢地既記念品...
個條人龍..............................................
仲要到最後冇晒野賣 嗚嗚~~
結果乜都冇買=3=