我地識左幾年, 都係第一次去海洋公園 ja, go go go !

早上約左11時在cwb等, haha.... 我地仲估 bonnie 會遲到,
於是在翠華快食個早餐先去 meet 佢, 點知佢又早到wor,
真係估佢唔到呀 !

唔少得在大門口影張相先, 睇過海洋公園幫我地影左張相都幾靚呀,
可惜 $240太貴了 !  自己影算吧 !

今次影動物影得最多, 先去睇熊貓, 這隻就是安安了,
影唔到佳佳 tim

另有小熊貓館, 好得意呀......

好似石頭的娃娃魚

好大條鱷魚

好醜的魚, 好怕佢對眼 !

見到有可以塗鴉的地方, belle 的真跡, haha......

之後入左一間以halloween&南瓜做主題的屋仔

我地在不同的館都有影相, 不過只賣了這一張留念, $129...... 還可以吧 !

以前坐過纜車, 今次試下坐海洋列車啦

我喜歡月台個景多d, 反而坐列車就無咩特別, 感覺像搭 MTR 咁.

再去坐觀光塔

這時多左好多旅行團到達, 等左3 round 先到我地......  下午真係又曬又熱 !!

可以360度睇晒海洋公園, 不過好快又落番黎了 @_@ 

再去睇海獅 & 海犳

我勁鐘意睇佢地在水底游水呀 !

特別係 lee 條bb , 肥 do do 又反轉游的, 好可愛 !!

下一站去水母館, 因為以前未去過, 所以特別想去 ^o^

 水母的確好美, 不過唔用閃燈, 裹面又黑到伸手不見5指, 真係好難影到相呀, 
狂影幾十張, 先得幾張得 !

我的剪影

下午3時半, 去海洋劇場睇表演, 暴曬中....... 連眼也撐不開 !

海豚真係好乖巧哦 !  這場表演是不錯的.

其實沿途中有好多間 shop, 不過我對那些紀念品沒有興趣,
佢地就好 enjoy, 仲影左好多相 tim, 我只係影左一張 ja @_@

玩左半日, 又熱又累, 去左tammy 個表妹工作中的冰室食 tea,
$20一支汽水, $48一個 tea set 真係幾貴, 好彩表妹有 discount, 唔該晒 !

被遺忘的一班小朋友..... 也許今天太多野要影了......

對不起呀奈奈.......  我又疏忽照顧, moon 提醒左我,
忘記了10月27日是你的3歲生日 >_<

 離開時收到我個妹的電話, 說她昨天在海洋公園的麥記留下八達通, 叫我去取回,
太巧合了 !!  我們剛在附近, 又遇著我幾年先去一次海洋公園wor....
否則佢又要專登入來取......  笑鬼屎 !

食完 tea, 佢地話去玩過山車, sorry....... 我一把年紀, 受不了,
望見條路軌都腳軟啦.... 只有睇住佢地玩 !

差不多6時要走了, halloween 的鬼要出動, 不要惹我, 我怕鬼的 !

之後乘的士去附近的發記食海鮮, 剛剛去完 tea仲未落隔,
無咩胃口呀, 不過一場來到, 食少少啦 !  
其實都幾好味的 !

本來諗住回家了, 不過佢地想去飲野, 我個心十五十六,
玩左咁耐都"謝謝"地了.....  但係難得出來一次, 去盡d吧 !
去左銅鑼灣, 搵左3間 cafe, 終於有間開門的.

晚上回家洗澡後, 巳經是12點幾,  on line 仲見佢地幾個wor,
你地唔洗休息嗎 ?  大家仲好快手, 即晚一次過交換晒d相 !
睇番d相又真係幾開心呀 ! 

這次行程, 揀相, resize, 寫 blog 用左我3小時呢 >_<