充實的10月就怏過去, 忙完今天, 要到11月才有job了.

今早又幫老師 AMY 做姊妹妝, 7時出門口, 不算早, 天氣明顯涷了 !
咁o岩又去青衣村, 今次個屋企整潔好多, 比起上次個拾荒者之家, 好幾十倍 !

最近我成了Amy 的首選助手, 除左我是自由人, 她說我是唯一一個從不遲到的學生,
好開心呢 ! 

平時AMY 都係在房間幫新娘化妝, 今次沒有房, 第一次跟她一起在客廳化妝,
間唔中睇下老師化成點, HAHA......可以偷下師 ^O^

我化一個伴娘, 一個姊妹, 輕輕鬆鬆又完成了.......

最憎用傻瓜機的閃燈影相, 影到好似假人咁........  唔用又暗又朦, 點攪 ?

**************************************************************

中午在家染髮, 其實都係貪得意, 見我個妹用天然的材料染出啡紅色頭髮,
我又試下啦.......

把這碗鴨屎綠色的混合物塗在髮上, 包住3小時, 洗去便可

是我頭髮太黑嗎 ?? 
做完也不覺得有分別wor, 以前是100%黑,
依家是 95%黑 @_@

******************************************************************

晚上約左準新娘 winky 試妝, 說來話長, 她早在六月份約我試妝,
但她因工作太忙, 約了4-5次都臨時取消, 之後我都keep住約她, 
可惜都未定到日子, 每次她都回覆 "sorry.......sorry...... ".

 直到兩個月前, 她沒有再回覆我的email, 更把網誌上有關籌備婚禮的文章delete 了,
不知道她發生了什麼事, 我沒有再打攪她了......
只知道她仍然有keep住看我的 blog.

估不到昨天竟再次收到她的電郵, 約我今晚試妝,
今次應該是真的, 因為10天後她就要結婚了 !

Winky 很早巳說她的頭髮很短, 唔知髮型可以點做,
最要簡單自然的, 不要用假髮.
她很年輕, 說話時很孩子氣, 皮膚曬得黑黑的.

  最初見她的飽飽面, 諗住用兩邊的頭髮遮住, 出來的效果no good,
依然都係飽, 仲有點不倫不類.......

之後索性把頭髮梳埋上去, 飽就飽啦, 起碼整齊d !
大家都覺得這個較好, 似新娘多d.

其實她結婚當日, 我巳有另一個 appointment, 
兩個job都接, 時間上有點趕, 希望 winky 排好時間表後再找我啦 !