話咁快就到左 becky 的大婚日子, 之前訓得唔好, 勁喉嚨痛, 又流鼻水, 千萬不要病呀 !
晨早食定粒傷風丸打底, 今早要去觀塘, 第一次拖o急出勤, 以前怕麻煩又論盡,
一直都唔用, 不過最近肩膊容易酸痛, 不得不用了.......

跟自己說過, 要努力把 becky 化得滑溜d !  遮瑕.... 遮瑕......

足足用了兩小時

之後換婚紗, becky 要出去影婚紗相, 今日這個妝算不錯,
好過試妝果陣.

這時, 我回家休息3小時

下午再去又一城某酒樓化妝, 搵左小師妹 vivian 化姊妹妝,
得主人家同意, 仲帶埋朋老公來幫手影相 tim

晚上令我覺得做了蝕本生意 @_@
明明是要轉晚裝, 轉完我就走得, 點知becky 臨時又想穿番裙褂&婚紗影相,
話d親戚朋友未見過 wor......  下?  即係我有排都唔走得 ?

謝謝 Terrance 拍下的相片

等侯期間, 幫手化一個姊妹妝, 最煩係有7-8個小朋友經常走入黎騷擾我地,
仲要幫佢地免費塗唇膏....... 又無啦啦要幫埋新郎&媽咪上粉底 ?
老實說, 我真的不懂拒絕人.....

becky 的妹妹, 唔似樣的

好彩最後決定穿婚紗時轉髮型, 如果唔係真係要入席先走得

說到底, becky 同佢家人都好好人, 還多次叫我們3人飲埋喜酒先走,
不過我真係好累呀, 好想早d回家呢 !

晚上連食飯的胃口都沒了, 又開始傷風, 吃了一粒藥, 勁飲水,
大昏迷了10小時, 又好番晒了 !