謝謝 king 的邀請, 今日跟8位化妝師去左九龍灣國際展貿中心,
幫20位參加比賽的o靚模化妝, 勝出者有機會拍戲o架 !
約左早上10時, 每人負責2位, 本來諗住中午就做完...... 點知要玩足成日,
企到腳軟 !!

有兩個化妝室, 好大呀 !

大家都以為入選的o靚模一定有質素, 點知大部份都嚇親人 @_@,
隨街都有靚過佢地的 !  其實最不滿係佢地勁遲到, 一個咁重要
的比賽, 明明約左11時到, 點解1時後先開始到 ??  未紅就當正是大明星 !

化妝師大部份都係portfolio 畢業的, 所以一見面就好傾得埋 ~
haha....大家都覺得同學仔 cherrie 是全場最美的, 佢參加的話一定 win !

初初來的 model 太少了, 迫住兩個化妝師做一個 model

我化妝,  Eismann set頭, 這是2號的 Mango
大會規定要化濃妝.....

Mango 是全場最高的 model , 1.8米, 穿上高跟鞋, 差不多到天花板 !

佢地個個的鞋都有5吋高 !

第二位 model 是4號的 kico, 今次我set頭, Eismann化妝,
KICO的樣子算幾好了 !

第三位係 5號的 Mizer..... 其實由依家開始, 程序巳經好混亂,
因為佢地遲到, 攪到彩排時間到左都未化好妝, 化化下又要出去....
化化下又要出去.......  model 又忙住試衫試鞋, 攪到我地一時勁忙, 一時勁得閒 !

左起 : MANGO, MIZER, KICO

我一手包辦的6號 Stephanie, 說真的..... 第一眼見到佢真係O晒咀,
化完妝.... OK啦......

彩排中......... NG 又 NG...... 被導師駡得很,
初初都覺得導師有點過份, 不過跟這班 MODEL 相處過,
又真係幫唔落的, 遲到, 反應慢, 唔聽話, 每次叫彩排都三催四請......
攪到 run down 一再 delay又 delay.....

之後再幫一位前台的 staff 化妝, 佢好滿意呀.
講樣子, 佢一點也不差過班 model 呀

之後化妝師 CY 話有一位嘉賓黎左, 唔知係邊個, 問我有無興趣做,
當然有啦......

其實見到這位 guest, 我都唔知佢係邊個 @_@
我化妝, cherrie set 頭........
之後 cherrie 話佢係 o靚 model CECILIA, 
參加過美女廚房2, 我就一D印象都無, 不過佢化完妝有D似 JANICE MAN.

由朝忙到晚, 本來工作巳完成, 不過大家為啖氣, 要食埋個飯盒先安樂,
 d飯又涷又硬的 !

比賽晚上8時才開始, 大半天時間就是這樣過了.....
大家沒有離開, 睇埋比賽結果先走.

 在場都有好多人

model 要換5套衫, 每次只得5-10分鐘 ready, 好趕好趕呀......
被工作人員大喊出來, 個個裙拉褲甩, 好可憐咁.....

其中一個泳衣環節



公佈最後10強....... 
除左 Mango, 其他人 kico, stanfanie, mizer 都順利入選了, good !!

我們不方便出出入入, 大部份時間都在後台看大銀幕

之後睇住6號 model Stanfanie 獲得舞台大獎,
好開心呀, 她確實表現得好好 !  好有自信 !

一入後台, 即刻要捉住佢影相啦 !

最後再選5強, 佢地3個 (中間3位) 都繼續入選呀 !
又升一級了, yeah !! 

最後結果,  只得 kico 得季軍, 不過有一個入3甲都夠了 !

當晚, 我同左好多artists 合照, 不過d相在人家的相機中, 要等等..... 

我地離開時, 那位前台的工作人員追著要跟我合照,
haha......  有d受寵若驚 tim ! 

足足十幾小時...... 大家都"謝"晒了......

卻是好難得的經驗 !