早上陪3妹帶o仔去屯門醫院睇報告, 今日超多人...... 等足1.5小時先見到醫生,
痴線咩.........  等到過晒O仔的食奶時間呀, O仔又眼訓又肚餓, 好可憐 !  
醫生又離晒舖, 睇睇下症, 走去教另一個新手醫生做野, 要我地等左佢幾分鐘, 
真係火都黎......  睇埋我地都係幾分鐘 ja ma, 點解要我地等 ??

之後都未走得, o仔再要去抽血...... 十個頂 !!   仲話搵個有經驗的護士負責, 
離遠見3個護士幫手, 都吉錯晒位呀..... 傷口流晒血, 有無攪錯呀 !
O仔受苦了, 哭到收唔到聲 !   好慘呀......  
因為要趕住回家, 後悔沒駡她們一頓, 條氣好唔順 >_<
下午出去交收, 之後約左3個女人來muy記 睇禮服/ 頭飾/ 首飾.

新娘子10月結婚, 可惜居住外國, 要10月才回港, 成個婚禮就交比幾個姊妹負責,
最初佢地講就易..... 不過攪完我d野一大餐都決定唔到新娘會喜歡什麼 @_@
我提議佢地搵一位試妝再send相比新娘睇, 佢地又唔想煩喎........  
結果o係度影左一大堆相比新娘揀.

佢地都好友善的, 不過就好師奶....... @_@

佢地揀我, 都係希望化妝, 禮服, 攝影有一條龍服務, 唔洗佢地四圍搵, 
不過攝影我一定做唔到, 唯有搵人幫佢地啦........  總算做得成一宗生意了 !