這星期特別忙, 點解個個都揀今個星期 ?  好似把成個月的工作堆在一起咁......
早上睇番schedule, 有兩天唔洗做, 不過下午就巳經 full booking.......
星期二 :  晚上新娘試妝

星期三 :  下午準新娘來買野
                晚上籌備婚紗外影, model 試衫

星期四 :  晚上準奶奶來試妝

星期五 :  下午宴會化妝

星期六 :  上午pre-wedding 化妝 (未 confirm)
                下午新娘試妝

星期日 :   全日婚紗外影, 肯定熱死 !!

睇落真係好忙, 其實我7月-8月都好得閒呢.......

*****************************

今天來試妝的新娘子Connie, 是明年3月先結婚, 真的需要咁早找化妝師嗎 ? @_@

未見Connie之前,  她強調有嚴重皮膚敏感, 面上生濕疹, 對於化妝, 她不知如何是好 !

所以今次試妝, 我專登帶備了有機及天然的護膚品, 也買了一支新粉底, 希望唔會出事啦 !

她來到的時候, 塊面真的是發紅的, 也有脫皮..... 除了這些, 她的身型....... @_@ 
真的沒有一件婚紗穿得上, 只得一件晚裝(唔拉拉鍊)可以勉強穿到....... 我都唔好意思

她平時不化妝的, 所以為她化了一個淡淡的日妝....... 今次只試一個look,
純粹想測試下我的產品是否合她用.  婚期太遠了, 將來再試都唔遲呀 !

專重她的意願, 不能post 影到身型的相片呀 !

Connie 好nice o架, 又好肯聽我意見, 非常合作呀 !

試妝過程中, 佢有朋友陪同的, 不過佢未來老公就不斷打電話來, 好想上來八下喎,
被 Connie 拒絕了, 原因是唔想比老公知件晚裝拉唔埋拉鍊呀.... 笑死 !

好慶幸, 化妝後的1小時都沒有出現敏感, Connie 總放下心頭大石了 ! 

其實 connie 個樣唔差o架, 瘦身後一定好靚女的 !