惡童日記

如果有人問我06年最好睇既港產片係邊套
我一定會揀《獨家試愛》
果種一針見血既現代愛情觀真係令人好有哄嗚
而家己經唔再係童話王式子公主既年代啦
清醒下啦各位

講返今集十分愛
佢講既野比上集更宏大
由婚姻,婚外情,明戀,暗戀到女人既友情都有講下
其實我覺得真係比上集更好睇同更多野睇
剩係睇stephy同張敬軒去買套比方力申撞破
轉頭同方力申係街頭打車輪又比張敬軒睇到呢幕己經笑到我拍爛手掌

跟住到森美連環捉姦案
Miki大大聲咁講
"我都知道呃你唔到嫁啦,不過你問我我都無否認丫
有邊個未搶過人男朋友呀!!!?"
睇得我好爽
偷情咪偷情囉
做得出怕乜認
講真,咁大個人我唔信你唔識分岩同唔岩囉
既然明知錯都要做,點解被人揭破又要扮晒內疚扮晒受害者姐
(睇完呢套戲我忽然覺得Miki索過stephy￣﹃￣)

跟住到方力申果句
"你唔信你愛既人,你係唔會得到真愛嫁"
竟然令我有少少感動同反思

好在最後個結局都證實左stephy既理論先係岩既
"愛情其實係一種掩眼法,你睇到既野未必係真,真既又未必咁好彩比你睇到"
真係成套戲既精要呀!!!!


睇完之後shallos問我
如果你係stephy,明知方力申係呃你既
咁你會揀方力申定張敬軒呢?

我梗係揀方力申啦
無錯,雖然方力申之前係呃stephy話佢女友係佢個妹
但佢同stephy一齊之後都同條女散左啦
又唔係一腳踏兩船,有乜問題?
唔通真係要佢係中學之後一路唔拍拖等stephy咩
如果係咁我就真係驚啦

另外張敬軒雖然係真心對stephy
但佢呢刻係真
唔代表佢呢世都係真喎
人係會變的,就算佢唔變,我自己都可能會變
既然係咁無保障
點解我唔揀個又靚仔又大隻既小方呀
哈哈!!!!


總之記住啦
愛情係求開心
只要捉得緊呢一刻既感覺
往後唔會令自己後悔就得啦!!!!!
(死啦...我咁寫破壞晒我清純既形像添....＝口＝)

=============================================

尋 開 心


曲 : 周初晨
詞 : 林夕
編 : 王雙駿

別來扮 伶仃孤苦身世 你是我哪位
誰也學會 拾得起 放得低
而眼淚嗎 我不敢發揮 就如洞悉一切
亂世的情侶 誰亦滿身傷勢
別忙著 狂抽煙的手勢 以為愁腸是美麗
你令我 有歡慰 才是實際
你讓我 有安慰 誰亦不必理虧
你別要 再幽怨 和慚愧
我尋你開心 你尋我開心 我們還有甚麼可以恨
你贈我體溫 我贈你興奮 男或女來製造愛我不關心
愛情求開心 沒有所謂敵人 快別要弄壞美好氣氛
別在乎甚麼 所愛非人 誰能讓你愉快 便算 合襯
誰能讓你愉快 便安枕
誰能讓你愉快 和安枕 也就能合襯