好開心上星期六完成左第一日既婚紗拍攝，過程既愉快又輕鬆，不過最開心既係我放左d相上blog，朋友們個個都讚口不絶，真係多謝俾面呀，而家真係超期待24/12既最終回拍攝呀~_~緊張，緊張，超緊張呀............

觀看全文...

前日我整左個新blog,我唸以後都會用個新blog多d,你地有時間就去睇下啦,係yahoo果到架~~
呢個blog都好耐無打理囉,因為又要返工又要返學,又要追溏心,邊到有空得閒搞喎,而且呢到成日都好唔穩定既,好難控制,so我要變心嘞,呵呵.......

最近到了老ki去過既信達城玩塔羅牌,聽聞好似幾準咁,我同mon姐去到佢未開舖,我地自欺欺人咁去左食飯,然後再返轉頭,唸住可以有緣咁見到大師,最終有緣人真係可以相見,mon姐先問,但係似乎唔係咁準,再到我問,佢竟然話我同honey感情唔穩定,我直接咁話唔係喎,個大師即時話,咁佢真係無本事賺我地兩個$,可能我地同佢磁場touch唔到,但係佢又講中一樣,係我對honey幾任性,哈,係人都識講啦,後來mon姐再問家庭,咁似乎又講中少少野,見佢聽左後臉色一沈,因為大師話佢3個月內會有大件衰野發生,都會係家人出問題,我地聽完都好驚,猛咁話啋啋啋,希望好既靈衰既咪靈啦.......

今次的韓國之旅是臨時決定的,還記得我們是星期一去報團,星期二零晨便出發,星期二晚上我們還各自上學去,行李都是急急忙忙的整理,上到一半堂便趕回家帶備行李趕到機場.......
第一天是到溫泉遊樂場,入面是男女分開的,心想要自己一個豈不是很無聊,幸好有其他團友一起,我們一冷一熱的遂個溫泉浸,又到室外,嘩,最精采是到遊樂場的溫泉,我們跟男友們集合,再到旋轉滑梯,一個個的向下沖,團友Elena尖叫得最大聲呢!然後再走到只有3度的室外,嘩,,冷得無法形容,我們跑到溫泉,一箭的沖到水裡去,上身冷下身熱的感覺實在奇妙極了!
往後幾天的行程都是參觀,shopping,吃的都是火鍋,燒烤,燒烤,火鍋,吃得我們都流鼻血呢!
這次的旅程都很愉快,我們跟其他團友打成一片,現在還有跟領隊,導遊及其怹團友聯絡呢!

尋晚同幾位老友食晚飯,我地由小三friend到而家,屈指一算,大大話話都差不多15年,我地既感情依然咁好,最難得係我地都keep得唔錯嘛!~~(偷笑)

今次係為左某老友戀愛告吹而聚會,不過我地既話題都超級廣泛,又講下想當年,又講下2036,排毒美顏,咩都講,只係略為安慰某老友幾句,不過見佢都無乜事(表面),所以都無謂勾起佢.不過好男人真係難求囉!性格不合=分手理由,我就覺得呢d只不過係電視劇既對白囉,anyway,人家感情事當只有人家先知囉!

難得我地聚首一堂,我地當然唔會放過利用少少時間去小shopping啦,只係潘姑娘自己早走之嘛,我地3個都不知幾勁,入去一間時裝店都可以個個有收獲,仲話約埋一齊去H.K.,都唔敢想像果個情況會係點囉!!!

本來一心唸住整返個靚頭扮下靚啦,誰不知去左間黑店,入面果條肥婆,搞到我個頭旱晒,一D型都整唔到出黎,仲好意思話好多人都想要呢種曲度,抵唔抵得佢死,我去問佢有咩補救方法,佢仲話無架嘞,一係電過,喎!仲敢俾你掂咩,根住佢居然理都唔理下我,走佢同第二個剪頭髮,激死我,

後來我打去消委會投訴啦,果度D人仲衰,佢話髮型師係自由職業,而且髮型接受程度個人不同,又話就算幫我反映,果度既負責人會唔會處理佢地又唔會干涉喎,頂佢個肺,都唔知點樣幫D消費者!


仲之就一肚氣啦!!!!!!
觀看全文...

不經不覺開學己3週了,我認識了3位同學仔,Tracy,Carlor & Cammy,今晚我地仲約左放學一齊去飲野添!

上左幾日堂之後,最鍾意上既係經濟,個阿sir都幾搞笑,不過我尋晚真係好攰,上上下堂都忍唔住訓著左,真係失禮晒~~

最搞笑係英文堂,個miss都唔知自己教乜,烏呢單都咁,又講得快喎,成日都講ok,ok,一堂最少講廿次,佢仲話我地個班真好,因為隔離班有人投訴佢話佢講得快,我同d同學仔話都話,俾人投訴好正常!!!好心佢講慢d,又或者先備課啦,激死人=_=

昨晚又做夢了,好久都未試過好好的一覺睡到天光,不是半夜醒來,就是同夢境爭扎,好不容易才從睡夢中回到現實......
夢境有時希望會是真的,昨晚我夢見回到了童年時代,回到了公公的大屋中,大家都好像以前一樣,大人在麻雀耍樂,小朋友就在花園中走來走去,我和姐姐跟表姊在爭飯碗吃飯,不過都是我爭到的,因為我最小,婆婆通常都會幫我,一家人樂也融融的圍在大枱吃飯,嘻嘻哈哈,但在夢中卻有一個人跟現實一樣消失了,在這個夢中根本沒有出現過,我至愛的媽媽,同現實一樣,我拼命的找,但都不見你,記細細個時就像這樣我最愛跟着你,然而你就這樣離我而去,有時每當我很想你的時候,我會在臨睡前用心想想你,希望可以在夢中再見,不過這也並非次次成功,"-_-

今日係我既MINNIE STORY首日發佈,我發出俾好幾位好友欣賞,雖然相片暫時不多,但將會陸續有黎架!
網頁暫時都未能運作得好純熟,因此有好多地方尚在摸索中,希望可以快D將我既故事同大家分享啦!

勿切期待呢!!!