Keki DiaRy

差o的忘記了每年必做的動作.."年總"(全年最難忘事情的總結)


因為已經踩入2008年, 小弟的記憶一向都唔係咁好,所以祇可以記得很少很少的事...


年總第五名--阿大娶老婆~

中學時期的老大, 那時已比我們大四年(好像是因為遲入學), 順理成章也會比我們整班fd早結婚啦. 還記得我們一班做兄弟既fd就一早起身幫佢打點呢樣打點o個樣, 真係超辛苦, 不過見到佢成家立室都好值得高興既~~


最近聽聞大嫂好似有o左添, 真係可喜可賀~~~:


年總第四名--工作

1月頭時, 同部門的某人離開, 之後我就開始接手他的工作, 一開始頗好玩, 做多幾個月後卻有另一番體會...首先係體會到人事關係的重要性, 其次係忍耐力, 最後係原來體能也很重要(汗)~...


年總第三名--Wii

向來無"機"不歡, 有乜機打乜機既我, 捕o左幾個月, o係5月份就出手娶了7奶(wii)回家, 還記得當晚已玩到手抽筋, 數數手指, 已買了回來有6個月了, 但係玩既game數目還不多於10隻, 始終一個人玩wii真係悶悶地, 用黎開party時玩就一流啦~~(汗)


不過o係12月時wii fit正式面世, 我o係12月尾都忍不住買了回家後, 就好想一個人玩...因為而家要同老媽和老姐爭玩wii fit....


年總第二名--生日自助餐

3月生日時, 兩位同事"扮鬼扮馬"咁誘到我上"酒店".............................................食自助餐~~那時真係嚇了一跳~我好像係第一次生日去食自助餐~~真係多謝兩位同事以及其他有份既同事朋友帶俾我無限既"驚喜"~~


年總第一名--改變

這幾天一有時間就對2007年的自己做了一些比較和評估, 對比2006年初的自己, 現在的我不同的地方係對儲及用錢的態度唔同o左, 簡單黎講就好似"明知冇錢都會做一些花費金錢的事", 這個真的要檢討一下...


第二係不必要的"小心眼", 某些情況其實單純地想就可以,但係偏偏要想得更複習. 令自己轉入"死巷", 當然結果係給周遭人反感的感覺, 所以我需要在今年將這個"改變"改回來...


第三係對水晶的熱情, 想當年對水晶這東西還半信半疑, 今年卻非常熱衷, 某一,兩個月, 還可以拿四百至六百蚊出黎買水晶...自己也萬萬都想不到..踩入2008年後, 我深信這種熱衷還會繼續~~


最後.....我又肥o左~"~............現在可以做的係每晚做一些運動, 食量減少..逐一減少多余的XX(不是粗口...祇是不想說..)罷了...

今日去o左葵芳幫親戚整機, 如我所料, 果然最起碼都要搞半日, 由早上11點整到下晏4點半左右就搞掂晒, 之後過o左去葵涌廣場後一陣. 對我黎講, 我祇會行最頂樓同二樓某幾間鋪, 都係買動漫野, 當上到頂樓的第一間鋪時,看到一盒東西令我沉睡已久的OTAKU魂醒來的東西,就係.....


山口式-四葉妹妹<Revoltech> figure!!!!!

不過o係葵芳就祇有一間有買, 而且仲要抄高o左個價, 要$128(原價大約90-100左右). 所以最後走o左出旺角尋找"她"

出到旺角, 本來決定祇行信和, 正常應該o係油麻地站落車. 點知可能打住機+發緊夢, 竟然o係旺角落o左車. 仲要上緊e出口先記起.."啊...點解我要o係度落車"(汗)
一行到出口, 如平日一樣超多人.不過現在的旺角(由e出口行去信和o個條街), 俾我既感覺開始同akihabara差唔多,首先, 周圍都係賣電器, 電話, 又有好多騎尼街頭表演, 再黎就係好多變態叔叔表演"低角度攝影技術", 最後仲見到竟然有cosplayer派動漫海報= =(爆汗)....

然後經過這4個"境點"後, 就立即去信和, 最後在一間我很久很久很久沒去的動漫店以108蚊買o左兩盒, 其一盒當然留來抄..嘿嘿...然後再買多兩本漫畫就閃了, 收獲都算豐富, 回到家後就立即替四葉影了幾張"沙龍"添~~

上星期六, 同事個妹個仔來了我家打機(其實一早已約)
我們由11點開始打到4點幾,落樓下食少少野, 再打到7點食晚飯,食完再打到差唔多9點先完~打完之後,筋疲力盡...~~"~~
好耐冇試過有伴同我打機, 真係十分開心~~

祇有一把戰利品....天鎖斬月...