天氣是我今日心情

啱啱參加完一個係大網仔訓練營，為期三日既外展訓練課程，好玩到不得了~~

不過真係好辛苦，比預期中辛苦；
第一次參加呢D外展課程，係乜都唔知既情況底下，曬到濃左。。。哇哈哈哈~~

對於我呢D人泥講，得閒真係要離開下呢個咁緊張既工作生活，去下一D郊區，放鬆下，
轉移一下目的，轉移一下生活方式，顛顛地咁過幾日。

以前我會揀一個人去唔同既地方，睇會一下其他人既生活，其他人既文化，反省下自己~~
但係衣家我又發現到多一個方法喇，比一個人去旅行仲要刺激，好野~~

第一日:
一去到，就沒收所有手提電話，銀包同錢；
然後放底行李，換泳衣去試水，學划艇，真係走去反架艇逃生；
然後大約三點就兩人一組划艇出海，大約六點去到一個海灘；
係無淡水，無燈既情況下紮營同埋煮食；其實當時我真係好累，真係可以唔食就訓，但係其他隊友又興致勃勃咁煮食，所以就等埋一齊先食啦 :'(
食完一碗飯，無淡水沖涼，換件乾衫就訓覺~~

第二日:
起身幫手煮早餐，食完大約九點就划艇去左一個名勝地，再到一個海灘食午餐；
再划艇，大約五點返到機地，
跟住走去跳碼頭，初初跳一個矮既無乜野，但係到跳一個好高既時候，
一跳，合埋眼，點解咁耐都未到既，唞淡氣先，kulu kulu，到左，個鼻入曬水 :'(
幫手執野同洗野，去飯堂食完飯，然後行山上去傾計 (行上去既方法係超級特別同好玩)；
仲見到北斗七星，然後返宿舍沖涼訓覺 (足於可以有覺好訓 - 以為)；
點知原來曬到濃左，手腳殘廢，成身痛到訓唔到~~

第三日:
起身去爬繩索，去到，原來有三四層樓咁高，好似好好玩咁，
拖住手腳殘廢既身軀，玩完好似死左咁 :'(
個度個 tutor 原來識小小西班牙文，同佢傾左一陣；
去飯堂食完飯，然後幫手執野同洗野，再傾左一陣計，反省完，頒證書，走得~~

"終於走得"
其實係有D唔捨得，哇哈哈哈~~

好多人話比錢買難受，但係其實個課程好抵喎。。。
二千幾蚊，你係無停過個喎。。。
^_^