今日一早就唔知醒,因為尋晚勁夜訓.....聽唔到鬧鍾響.....又比隻雞話
跟著係10分鍾內換衫,梳頭,洗面,出門口
同之前一樣搭火車到紅磡再轉103巴士,等左好多陣先有車...@@
一上車......下層全部賓妹,幾個出緊COS嘅COSER,樓上剩係有幾個路人,其他幾乎全部都係COSER,前面嘈鬼著晒,好彩我係坐後面

到左港大,即去CANTEEN搵隻雞,見佢化緊妝就知佢冇2個鍾都未搞好,咁我就執隻雞手尾整埋個頭規啦~~~度位,剪紙,再度位,隊比KING輝剪皮,跟著再痴,睇落好似好易,但都唔知搞左幾耐,而且搞到一PAT野,算啦~~下次出先用EVA膠再整過,
其他人化好妝我先搞掂個頭規,但之後發覺個頭規我戴唔落,露左成個下巴出黎,好彩有口罩遮著,撞色唔覺 =.=+
跟著即刻換衫,唔駛半個鍾KO,但隻衰雞又話唔比戴頭規影相,搞到我要戴假髮+化妝 \口/

首先一開始同雞,愛理,小屠,小和到CANTEEN樓上影相,聽到D攝記話"哇~~唔見左個樣",我而家係爆光啦~點知原來係頭髮同口罩加埋遮左我塊面95%,我睇返D相只見到黑色1個頭

跟著成班人再去舊樓影.....他媽的勁多大人細路,乜都影唔到,我靠!!!
行左個圈先話搵到張登可以坐低影下相,跟著隻雞又話夠鍾要去換衫,咁我可以除假髮戴頭規影相 =.=+
排隊攞行李搞左半粒鍾,效率慢到PK
隻雞換完衫我就搵呀翼同佢地一齊影,因為頭規細戴唔落,搞到我抖氣超辛苦,下下都要除,但一除就有人搵我影相,戴著個陣就冇人影,想點呀......
同呀翼佢地係CANTEEN樓上第2層見到一大班GEASS影緊相,本來都冇乜野,點知呀翼話一齊影,結果拉埋我去影,講真好耐未試過十幾人出同一套野影相 (H)

天開始黑,我都開始攰,隻雞都換返套CC,但個陣好多人都走晒,都影唔到乜野相
跟著一直牛,牛到8點就去CANTEEN食飯,不過乜叉都冇晒,只可以食叉飯......
然後睇返D相發現我戴假髮嘅10張有8張都係睇唔到眼囉......

跟著走個陣隻衰雞又要我陪佢,攰死隻豬啦~~~陪左一陣,10點搭船返尖東,個陣都訓左陣,比叔叔拍醒左落船,然後到火車又訓過,超攰.........

尋晚等隻雞過黎樓下攞膠板
.....拎左比佢之後,佢就話死都要我去同佢屋企人食飯(因為係佢屋企人請,唔係咁想去,好似好衰咁)
結果都係去左......但點知間餐廳係係大尾篤個頭,唔怪之得佢地話大埔有泰國野食但我唔知係邊 =口=
去到之後.....環境好正,講真我好少黎哩d地方食野,好彩天熱唔係咁熱,坐出面都冇問題

由於我正常都唔會食泰國菜,所以都唔知食乜好,我剩係知我鍾意食蟹,所以揀左個蟹肉炒飯(好似好普通),跟著雞,雞爸媽分別嗌左咖哩蟹,冬陰公湯,蝦春卷,小食拼盤,通菜

先講個湯,好恐怖,我打死都唔會再飲第2次,又酸又辣,又唔係個口辣,而係喉嚨辣,飲到出晒汗.... @口@
跟著到蝦春卷,哩個好食呀~不過只係春卷皮包著條好長嘅蝦
然後係小食拼盤,除左春卷同魚餅之外,其他都好好食
到蟹肉炒飯!!!d飯超好食,傑傑地,入晒味,如果我剩係食佢嘅話我諗我要食3碟先夠喉
咖哩蟹.......好叉大碗,隻蟹好叉大隻,個蟹鉗啖啖肉,同長腳蟹有得比,而且d咖哩都算岩我口味
食食下雞爸又嗌左個蒜溶包,但原本係嗌薄餅,唔知點解黎左碟包,個包唔係咁好食啫~好一般

雞同雞爸媽食左少少野就話飽...結果都係我掃晒枱上D野
掃到7788,雞爸媽就話嗌甜品,嗌左個椰汁西米糕同芒果糯米飯
個椰汁西米糕唔同上次係街邊買個D,好食好多,但唔明.....椰汁西米糕同粟米究竟有咩關係.....=.=
另外個芒果糯米飯..因為我唔食芒果,所以剩係食飯....佢有黑白2色,但我覺得2隻都冇乜分別,都係咁甜咁傑

坐多陣埋單走人,跟著去遊車河,但全程都係度傾頭文字D囉~~~~

最後11點左右返到公企......(最後都係覺得.....我未飽)

尋晚攰到甩肺,結果今日2點幾先起身
同隻雞去西九細個間食壽司
都好平常,然後我發現我會睇到對面,即係間鋪最埋個位,因為條吧個個位係分叉路,所以冇鏡
點知坐我對面個班雜碎伸隻手埋黎我黎邊攞壽司,個一刻開始我,雞同隔離位個2個人都超唔鋸佢地
跟著三文魚終於都出啦~~~但都成為左爭奪戰
基本上後面D人係冇得食,都比我地攞晒,因為我地唔想比對面班雜碎攞,我寧願由我拎比隔離唔識D人都好過比對面班雜碎拎

坐到6點幾終於都食完啦~~~然後又係過西九食雪糕,行幾層又去左睇人溜冰,咁岩撞正有比賽睇
睇完就行出旺角,好彩冇逿失路

出到旺角隻雞突然話要睇爆粗BAND友,識我嘅人都知我只會睇早場
最後都係睇左........超正,成套都有笑點,冇論一開始定係最後都有笑點,笑到我死

睇完戲就陪隻雞搭地鐵到中環,送佢出閘,跟著我就返屋企啦~

一如以往,2點幾先起身
之後等隻雞過黎拎個頭同把野
一路等.......6點幾終於黎到
我要拎左佢d野落樓先拎到我d野,上落來回左2次

跟著去到尖東,隻雞話要去半島酒店
但由尖東站行去半島酒店真係成條街咁遠,又要拎著d重野行
行到去又話係sogo,頂~~浪費晒d時間,又要行返轉頭
結果都係去左sogo美食廣場同佢地集合左先

跟著就一直睇著佢地食野化妝,我就冇野做,然後同rayray豬去睇假血
哇~~貴到你呀~平時18蚊支你賣到30蚊支,真係識搵錢

過多陣我同rayray豬都去換衫啦~其實只係換衫,但我仲要搽白個身
支野都算係上色,不過都好似好易甩色......

過多陣我同rayray豬去左文化中心搞掂d野先,但點知rayray豬帶溜野又要返去攞
我就繼續搞,搞搞下佢地都黎晒

好啦~開始玩啦~~~點知一開波就比人圍....仲比班死o靚仔追著黎打,打到我把野都爛埋
個個都以為我係最涼個個,但我想講....我全身都濕晒....莫名其妙的....
跟著佢地話上去影合照,我心諗,我咁樣究竟行唔行到樓梯,好彩你地都幫我拎把野,咁行樓梯應該冇乜問題

最後玩完發覺頂帽突然失蹤,即刻喪搵,點知搵到火車都收埋,頂佢個肺點解正日火車地鐵唔係通頂,最後又要晒雙倍錢去旺角搭小巴仲要行3個字先返到屋企

最後要講嘅就係.....個頭同把野都係要造過先可以出到event

第1話題
漫節準備cos孫悟空,需要造武器......*碌棍明明係我嘅~某雞居然唔比我整,要由佢親手整,何等道理!!!
第2話題
某雞說整MHFO新推出的大劍,很好,但是.......*佢連漫節D野都未搞就走去整AGS D野,傻左呀!?
(雞補充:這就是人的心態,做人要向前望) (M:駛唔駛望到咁遠呀~你無視晒D EVENT啦~)
第3話題
某雞說MHFO大劍量產化決定,$500/把.......*唔該你整左實物出黎先啦~仲要係AGS出嘅武器囉~ =口=