December 19, 2006
首先先前已決定只去3天,所以第4日冇去.
今年去AGS的感覺多是有負面的感覺.
不開心的感覺比開心的感覺多.有些是自己做成,有些則是外界做成.
先說開心的吧!能算順利完成了3個新COS算是滿足.
之前目標是想出三個完全不同感覺的COS, 想挑戰一下自己.
分別是傻仔囧一些的,要塗黑皮膚的,和美艷的角式.
最初頭諗住係cos日向冬樹(keroro軍曹),東仙要(bleach),河野亨(公主公主).
最後經過多番和朋友互坑底下,
變成了cos君尋,K',須奈子.
雖然故事角式也完全不是之前所想的,但目標是相同的,所以覺得很幸運.
趕頭趕命所出來的效果雖然不是心中的完美,但總算不過不失咁啦.
在此先要特別鳴謝千鶴挨義氣幫手做衫, 萬分感激!!! 心照唔洗講!
唔開心的事是自己日日都好想早到,但卻一日比一日遲大到.冇陽光影條毛.
DAY3朝早病到九彩兼且訓得一粒鐘,又趕加花,加边,噴油上和服...
食完D有睡意勁藥巨暈....爭D放棄唔去...
但坑左個FD一起COS,唔想放飛機(仲要之前係我叫佢唔好放飛機),
所以的起心肝頂硬上...本來是想扎頭再加蝴蝶頭繩,但效果麻麻,
扎頭反而唔夠靚...事實上是真正第一次反串出女角(VISUAL ROCK唔計),
所以冇乜經驗,表情和姿勢也有待改進.希望能完全減去人妖之感!!
也很感激REBECCA肯陪我癲,要她出一個不美又囧的角色.多謝比面!!!
更要多謝千鶴幫我化美美須奈子的妝及小樹為我補妝和加上胭脂~
也要唔該曬AMON借隻紅手套比我出K' ,你整道具很强呀!
手套既美觀,戴上又舒服.下次如果我番出K',不嫌棄便再借給我吧~
thx man!! 也要特別鳴謝方平和他的朋友幫拖吹脹HISUI我的主人條鱷魚,等我唔洗PUMP到傻~~另外羽翼司你比賽時無癮我深感同情,我也很想欣賞你威風凜凜地完成完美的比賽表演,希望你不要把勝負看得太重了~
你的慶次COS已夠曬有型有款~我尊敬你的心機和對COS的熱誠~
主辦單位和司儀好像不太尊重參賽者吧!
又唔識搞氣氛,我在臺下看也感到你地表演得彼冇癮~~
最後我在女更衣室發脾氣的事,希望在場的人見諒我的衝動.
相信在場認識我的朋友也明白我只是專心地比小樹幫我補妝,
而不是為留着那裡要什麽,我也想盡快搞掂出番去影多D相,
小樹也離開了她的團很久,不能要她再把化妝品搬來搬去浪費她時間,
因為當時EVENT就黎要清場啦~那搞事的便服女人跟本不是要換衫,
也不是COSER,而且就算要換衫也有間格吧! 請問我會能看到什麽??
性感美女死黨小樹就在我面前,就算要養眼,我乖乖看着她幫我補妝不是
巳很足夠嗎? 我還需要你這密實的大嬸嗎?
唔該你唔好想攞威攞彩啦~我地無仇無怨又唔認識,你又唔係場務管理員,
做人唔洗咁小題大造趕盡殺絕的啦~況且我都係在近入口的位置,
又冇走黎走去,加上更衣室入口冇門,出面入面冇大分別啦....唉~點都好啦~我都会承認我大聲發脾氣我有錯,對不起!
但希望你也應檢討一下你浮誇的行為吧~做人留一線,日後好相見呢~
雖然我唔想同你再相見...我想平心靜氣客靚地向你說~
如果你對人(尤其是朋友同事)冇體諒之心的話,處處小事化大,
你便會有好多敵人,傻的是自己架咋~
後記完畢.
