今日一起身,,父母已經飛左去台灣,,

之後出左房,,見到mocha又痾又嘔,,
開始以為無咩,,收拾好之後我返左入房,,
然後我家姐起身,,叫我入廁所,,
點知mocha痾到出血,,
即刻拿拿淋換衫帶mocha去睇醫生...

好彩我家姐係度,,可以提供金錢,,
打電話到醫務所預約同埋問收費,,
診金:$220,,打針食藥另計,,
揹住mocha跟我家姐落左地鐵站攞錢,,
我家姐出手好闊綽地俾左我$1000,,
叫我搭的士去,,返黎都要搭的士,,
我家姐要返工,,所以唔跟去,,

跟住我即刻飛的去醫務所,,
去到之後等左陣,,就叫mocha入去,,
去驗左一陣,,話係輕度腸胃炎,,仲有少少發燒,,
要打針同食藥,,同埋要食d配方罐頭,,
於是就咁就睇左$600...

然後同mocha截的士返屋企,,
餵左佢食藥,,之後佢都痾左幾次血....
到左8點喂佢食左野之後,,
一直無事到而家...

點解次次我媽去旅行屋企一定有事發生?
第一次微波爐著火,,第二次就漏煤氣,,
今次就mocha病左...