鋪頭細細，亳不起眼！裝修簡陋，位子擠迫！但自從搬過對面大鋪後,寬敞不少,更有些泰feel裝飾品,但依然係樸素簡單!!而無變嘅係,仍舊好多人幫襯！泰國人嘅侍應們好nice,給人親切感覺！

今日下晝去真好，晤洗迫，又送龍眼水(但送嘅就無龍眼肉)！我地2個人，叫左蝦刺生($40)、蝦醬炒飯($28)、春卷($18)、蝦餅($28)、多1杯龍眼水($10)！至yummy係蝦刺身，好新鮮!配上香辣醒胃醬汁,一流!真係做到平靚正！蝦醬炒飯稍為腍身,但味道不錯!值得推介蝦餅，好有蝦味，彈牙，真材實料，唔係溝粉架!春卷就多料兼脆口!!而自己叫的龍眼水是大杯而且有龍眼肉,清甜解渴!!但食唔晒，咪打包俾釗哥做宵夜！

地址:屯門青山公路351地段青善街康景花園A座8-10號鋪
Tel: 24589928 可外賣

尋日朝釗哥幫我車個喼俾我個妺，跟住去元朗南記麵家食lunch，果度至出名係豬手麵，釗哥至like！不過我唔"好"，所以食左碗牛腩麵，d麵係幾正，不過牛腩就唔掂，又un又唔入味！！至於豬手,釗哥就話好正!真定假,你地自己試吓la!!!

地址: 元朗媽廟路永發大厦G鋪

今晚約左小玲打tennis!!做吓運動真係好鬼爽！我地仲搓波搓得唔錯添，不過最高記錄都係19球姐！要繼續努力先得！最衰我唔知自己d波放左去邊，所以只有小玲果3個波，執波執到我地吖！之後我地去翠華dinner，食左我至愛嘅奶油豬仔飽，外脆內軟熱辣辣,正,$8雞,差不多每抬一宮(不過可能先入為主la，都係原味正d！即係得牛油!)仲有食左沙爹牛肉麵,但不是公仔麵，而係福麵,又腍又無口；牛肉又咸左d！再加一杯熱奶茶，都不錯,好鬼滿足吖！！

今日夜晚去尖沙咀譚魚頭打邊爐！地方都幾舒服，尤其sofa!食物都ok la，尤其烏東，一致讚好！至於其也，如珊瑚旁、帶子、海參、竹生、芝士丸蝦子丸都好普通！墨魚滑無咩味！魚仲差，無人吼！反而蔬菜好新鮮！肥牛亦不錯！雪梨水很清甜！我地有3個愛辣，所以半邊係麻辣，我同吖牛就怕怕la, 真係好辣，小玲、馬、寶寶好勁，仲話唔夠辣添！另外值得一讚，係佢地用電磁爐，台面係咩都無，只要將煲放正台中就ok!但侍應服務就好差，叫極唔應，埋單又慢！信用卡優惠又小家！中銀有9折，但不可享用$38-２支飲品，&4人套歺也不可折，只有散叫配料才可折！

之後再去杏花摟食埋糖水，我叫左個雙皮奶，都唔錯，好香滑重奶味！但都係義順正d！haha！好飽好滿足，返歸lu!

材料：

(1)全麥粉.................1.5杯
(2)發粉.....................2.5茶匙
(3)梳打粉..................1茶匙
(4)肉桂粉..................1茶匙
(5)蘿蔔絲...................1杯
(6)菠蘿連汁................1.5杯(切粒)
(7)雞蛋.......................2隻

做法:

-預備大碗，放入(1)-(4)
-加入(5)(6)
-加入已拌勻的雞蛋，然後加入少許清水
-焗盤上掃上芥花籽油，倒入攪拌物
-放入已預熱的焗爐內，以180℃焗45MINS，即成！

裝飾：

-可加糖霜 OR 肉碎鋪面 OR 狗曲奇

置樂福興亦係我lunch飯堂之一！少油健康之餘，花款又多！lunch套歺共可選4餸，5揀4，有菜有肉(扮)，天天不同款式，味道不錯，唔會淡茂茂，更唔會油淰淰！如果d餸某d唔啱心水，亦可轉其他，夠貼心！套歺可配湯，自家煲兼且好足料！價錢都係$25，抵！這裡有早歺，但無dinner架，因好早收鋪！

屯門置樂(中學對面)

耐不耐我會上foodeasy、openrice search吓d好嘢食嘅資料！上個禮拜見foodeasy每月會揀一個地方進行踩場試食，11月係去銅鑼灣"岩浪"食懷石料理，名額4位，價值$680/位！咪膽粗粗，揾篇自己寫過嘅食評試吓！點知OK左！今日就去附會！1男1女foodeasy staff,3女1男會員！開頭都驚悶架！點知個個一講到食，就雞啄唔斷，仲諗定以後嘅"食"會，真攪笑！



"「岩浪天扶良日本料理」主打傳統及創意兼備的日本創作料理，以薄而脆的鎮店天扶良，巧手精緻的創作壽司及料理為食客帶來驚喜！"



食完之後真係好開心！味道不錯之餘，又新鮮，又富創意！最令人欣賞嘅係，款款很精緻，賣相吸引！可見做菜者對食物有要求之外，亦富熱誠與心思！加上果度環境高雅，地方細細不嘈吵，侍應服務貼心，亦樂意介紹各款食物&食法！不過dinner消費略貴，大家不仿可試lunch！

沙律：醋味帶點甜味，好醒胃！

南瓜蓉：好滑好香南瓜味！鋪面葉子好特別，但味道蓋了南瓜味！

鮑魚：鮮甜，但真的太小了，未嘗真味道已滑入喉嚨！

日式炒准山: 菜式特別，不錯！

刺身：冰鎮盛上，非常新鮮，尤其秋刀魚刺身，鮮甜得很，配上薑蔥一起吃，好match！！

玉子豆腐：用竹桶載，好別緻！豆腐很滑，配大粒魚子，增添咬口呢！

日本海老：很普通！

天扶良：分2碟上，確細心，以免放涼！但第一碟還是凉了一點！第二碟就夠熱，果真做到皮薄脆內香軟，絲毫不覺有油淰淰的感覺！當中以豆腐海膽最創新，叫人驚喜！以紫菜包著豆腐海膽來炸，入口又脆又軟又滑，正！

波菜卷+凍茄子：中段來一客清淡菜，有心思！但波菜卷淡而無味，茄子入口則不錯！

燒馬頭魚：一般，有點"鞋"

燒海鮮蕃茄: 蕃茄內藏有海鮮+菇+蕃茄蓉，很美味！

鱈場蟹肉湯：蟹肉大件且肉質鮮甜，但湯味怪怪的

海膽三文魚子壽司：海膽很新鮮，配上大粒魚子，正正正！

醬油吞拿魚背壽司：醬油能帶出吞拿魚背的鮮甜吖！吞拿魚背長長的，配細細件飯團，比例不錯！

提子+豆腐雪糕：清淡豆腐雪糕作終結，好濃豆腐味，但不算滑！提子算甜！

Address:銅鑼灣軒尼詩道525號恆和鑽石大廈9樓
Tel:25911159