個人的休息站

打這篇文的時候已經放左兩日
還有三日

雖然天氣較涼快，但訓覺無開冷氣的話就有蚊
偏偏在這個時候液體蚊香用完
唯有搵日去超市買

之前講到話假期睇書，不過唔知點解總係無動力去睇
可能平日精神經常處於緊張狀態，突然間放鬆係有點不習慣
咁落去好弊，遲早變「機械人」
近期大熱的facebook我終於都認真地update info
有時係要親身試過先知道點解有「facebook症候群」
加入左幾個Group，有個講教育電視

這個又係我童年回憶之一，我小學一年級已經有睇
當年返下午校，無記上午總係播粵語長片
除了轉台睇教育電視之外，就無野睇
當中不少經典環節，例如健教科的「細菌大王」、「青春期」、「癌症」
小學英文科，開頭每個人在不同的交通工具講「Hello」


今日想睇的時候先發覺原來ETV早幾年已停播，要去RTHK網頁度睇

睇左少少，發覺而家果D差太遠，好似睇電視劇多D

最近經常提到的「集體回憶」，我想教育電視係70-90年代果批人的「回憶」