Hidden Stage

今天沒做過什麼,
還是那樣子--- 做chemistry exercises, 溫習, 整習筆記......
特別一點就是: 我做了4份問卷?!? orz|||

休息時間也看了一些文文,
怨‧念‧暴‧升‧中......
把鼬寫到這個樣子!!! (怒)
他可不是來搞笑, 也不應該欺負他吧?!?
還我真正的鼬哥哥啊~~~!!! (淚奔)
因此,
這幾天內一定要發文(?!?)
[天音: 這成了寫文原動力了嗎?]

那些文的感想, 改天再發
想在這裡放一些書評, 
反正我寫感想是比較好的 (啥米碗糕?)

回去寫文了
就這樣

今日又約左兩位溫書,
十點半接左嘉琪, carmen就病左唔黎/_\
so我地兩個自己溫......

係意大利餐廳溫, I love there~
努力左6小時, 叫做重頭溫過哂咁多課,
仲答左好多問題(提問者: 嘉琪)
麻煩死了= = [天音: 你越來越像鹿丸了...愛看雲偷懶怕麻煩]
所以, 搞到我全部都溫哂啦 (轉圈圈+撒小花ˇ)
大致都明白, 無錯concepts
但問題還是那個: 做唔切份卷!!! <---識都無用T_T
聽日或者會返學校......

不過lee 3日狂惡補chemistry, 應該會考得不錯吧?
5月1號要努力補account (P.A.)!!! <---完全唔得- -

就這樣

尋日係學校同carmen & 嘉琪溫書時, 竟然約左今日去我屋企附近溫書(?!?)
[天音: 你自討苦吃, 沒事找事幹]
所以就組左個臨時溫習團, 主攻chemistry

首先早上考中文聆聽+綜合能力(天呀......)
我做唔哂份卷呀>"<
未寫封信個日期, 有無左d格式分啦T.T
但都應該會合格吧?
畢竟中文是我的天敵......<---此定律永恆不變

之後行過去花墟搵嘉琪, coz佢話唔識黎, 怕迷路
我地到左附近, 去左青年空間(orz)溫陣書等carmen過黎
嘉琪話背E.C.S. (Electrochemical Series)好難, so我教佢用卓憶方法記左佢~
又一大成功! (撒小花)
來年F.6背野就唔使咁辛苦啦 (大心♪♫)

過多9個字度, carmen到左
我地去左一間甜品店度食甜品~
D甜品超讚~!!! 推介唷~
唔太甜又健康(主要用鮮果做), 做得好好食, 最緊要食完唔會肥!!!
有興趣搵我, 我帶你去試......
邊食邊溫, 咁就一個下午~
再約翌天再戰-0-
6點幾就分道揚鑣......
我就去搵我媽, 佢話要去舊校校慶, 叫我一齊去, 陪佢- -|||

媽媽d舊同學, 有人chem唔錯, 免費幫我補習xdd
咁又可以賺到一筆- -+
溫完書但係我媽都未想走, so我走人先~
上到車先知今日搞到好攰, 超想訓
返屋企立刻訓教教豬......

聽日仲要溫呀T.T

今日考中文閱讀&寫作,
努力中啦~
閱讀唔係好深, 作文題目超好作xdd
最後都係作議論文 (coz 我覺得好多人會作檸檬茶,要突出好難)
作左好多, 仲有時間寫下自己野,
無離題就好~ (我作議論無咁易離題, 嗯)

之後打電話俾carmen, 約左4:00返去學校搵Mr.Lam教我地作綜合......
先返屋企執野, 仲開左小電~
同 jennifer 係msn傾到差唔多出門口 (汗)
傾左勁多野, 好好玩~!!!
聽日或者可以去麥記試下今日講果個~ (期待中) [天音: 你瘋了!]
考慮可以漫節出cos(?!?)
櫻蘭的小鏡吧? xdd
這只腹黑的幕後黑手呀~
不鳴則已, 一鳴驚人?!? 真是深藏不露~~~

跟住返學校, 等車由3:40等到4:30 = ="
邊等邊同carmen傾電話~ 咩都傾一餐xdd
之後發現佢同我同一時間到達彩虹 orz|||
係巴士站第一次 "say hi"同揮手, 超白痴~呵呵~
咁岩有架27號巴士跟住係我架小巴後面, 佢上左@@"
但係我落車先~ 之後玩性興起!!!
我笑言要係基順小學個站果度條樓梯對佢 "say hi"同揮手, 立即跑過去, 趕得切~~~
勁白痴咁係度揮手, 笑到我地傻^^
之後仲要玩,係順利宿舍巴士站對面狂玩xdd
我地超癲, 哈哈 (狂笑)

真係好耐無玩到咁癲啦~
一"玩"不可收拾!!!
有幾耐無玩得咁無分寸? 都無印象啦~ 好幾年吧?
果時好似要玩返咁多年既份咁 kaka
當時突然覺得年青真好 [天音: 喂喂......]
終於有返d 年青人既感覺, 唔會太老= =
覺得平時既自己都唔係青年(因為心理年齡過老?!?)
感覺超棒的~!!!

上到staff room, 撞到上次5A果個同學喊住出黎, 當場傻眼
傾左陣先發現原來佢約左但搵唔到Mr.Chow,
安慰左佢之後就教佢chem, 仲係走之前約左聽日一齊溫chem......
總算告一段落

點知走前carmen拎左份報紙出黎,
睇到日本2000幾個有錢人上網買左隻貴婦狗,
點知唔識吠, 唔食狗糧, 仲唔去洗手間, 個主持人拎張相出黎先知係羊,
笑到我地訓左係度 (連兩位老師都有笑)
小女子只可以寫大大個"服"字
真係好一班有錢但無腦的有錢人呀

最後, 今日係一陣笑聲中結束ˇ ^o^
じゃね
觀看全文...

我寫文有一個壞習慣,
就係靈感一係唔黎, 黎左就全部寫低, 仲要加哂入去個故事度- -
而且會越寫越多orz |||

今日唔舒服,
早上努力咁整返好部小電 (舊小電回家了, 萬歲!)
乖乖地溫下書, 就去訓陣......
點知d靈感又到,
雖然寫低好哂, 但唔知好係邊 (汗)
最後發現全部都可以放係火影果篇同人度 (驚)

結論係: 篇同人由短篇變中篇再變到可以成為連載長文?!? (天音:......)

而且仲要送上第一次 (寫戰鬥場面) ~!!!
救命x 100
安排情節時, 計畫如何寫戰鬥場面比諗戰略更難 (汗)
也許我只適合動腦袋吧? <---終於明白鹿丸的心情了 (嘆)
花了九牛二虎之力, 加上係網上翻看火影, 研究一下招式用法與好壞, 各人物的特色和特性,
終於找到我心目中的隊形(?)和組合(?),
完成一點戰鬥場面, 還有戰略和情節 (笑)
故事變得好長耶~
希望不要寫太久= ="
連載的話會變成拖稿一族唷......
要吸收正面能量: 我一定會完成! 我一定會完成! 我一定會完成! 我一定會完成! 我一定會完成!

明天要考我最差的中文(help~!!!), 早點去睡了

みんな、お休みなさい～！

唉......
話咁快就開始考CE啦......
今日, "又"做唔哂份卷(汗)
問題係, 份卷淺呀~ (泣)
對自己好失望......
好驚無左個A......
媽媽話:我俾自己太大壓力, 應該信下自己...... (汗|||)
好灰......
其實, 我知道媽媽只係講下, 安慰下我, 對佢黎講, 30分好易(?)拎,
但失敗就會被人拎黎做"痛腳", 尤其係俾mum拎黎日嘈夜嘈, 鐵定會俾口水浸死 (我有預感|||)

---我只知道, 人講既說話, 許下的承諾, 只是無意義的字句, 是過眼雲煙, 不可以當真
相信了, 最後痛苦, 失望的, 只是對這些字句深信不疑的人
反正, 對我來說,
過往是殘留的片段,
我只是過路人, 碰巧翻開某一本記錄, 看看而已
憶起也不會有感覺, 更別說是"懷念"了
縱使沒有, 也要裝有那麼的一點點, 表現給人看, 這樣才像人吧?

日復一日, 面具漸漸多了, 好像再也找不到真正的自己似的
--- 很討厭