最終傾到9月1日交鋪,仲有14日免租期俾我裝修!now最緊要係諗吓要點裝修,其他野我想急都急唔黎,好多野都要開左鋪攞左商業登記至做得,到時又要睇住人裝修,又要去申請呢樣果樣,諗起都覺得忙!好似仲有個幾月咁,但又感到9月好快就到!攪到自己間歇性緊張!唉.......有時太多時間諗野,我就會有好多野擔心架喇,又擔心吓d開支咁.....
haha....^^明天有Lcd電視送黎,可以睇高清電視喇!

其實有d唔開心架,去左兩次求籤,黃大仙,澳門媽閣,都話我事業運未到,要等,本來只求安心,但我覺得我冇可能輸囉,我一定有能力做得到,點都要試吓,冇理由要放棄!要守咪守囉,反正遲早都會開架啦,人地綱開始發展自己事業,俾支好籤嚟都得掛,汪我咁信你!........嬲!

我準備好企家樂坊開架喇,講好價,之前諗住9月中開吖ma.....-__-",但now要10月至交得鋪,我明天會去落訂,我會再要求早d交鋪俾我裝修,or延遲起租期!之後就要諗定d裝修喇....去睇定d公仔,衣架,放d咩落鋪,可以印定卡片,襯宜家仲有d時間準備!我想印埋紙袋,vip卡,吊牌有公司logo!
改咩名好呢?要唔要揾人改吓呢?.....如果我開左鋪就好唔得閒,連假都冇得放喇....我要好好享受埋呢段美好既時閒!

琴日8/7過左澳門同阿豪慶祝生日,我地晚上去左旅遊塔,最頂層360C食自坐餐,企果度可以望到晒整個澳門,真係好靚,個地吓會360C轉,轉住一邊食野,一邊睇境,一邊攞野食,呢個設計真係好好!又有人現場唱歌喎,仲過黎為阿豪唱左首生日歌添,佢地唱得好好聽架!D氣氛又好喎,D野食都好有水準!諗起又好想再去添.....^^"不過呢幾日都有落雨就麻煩D囉,有遮都要濕!有去吓D賭場玩吓,D時間就過得好快!打個和啦^^我最鍾意玩老虎機,每次去澳門都會玩,試吓D運氣!

今日send 左份申請書去恆隆地產,好快已經回覆約明天12:00pm再同我傾!我好想開旺角家樂商場,但聽人講好難入,要排waiting list,但佢地對我又好有興趣咁喎,我諗應該有機會既!但果度d租真係好貴,我都仲考慮緊,仲搵緊有冇其他更好選擇!但我9月一定要開得成,仲要d時間裝修!明天下午去香工和佐敦睇吓d貨,去行一行d批發先!

剛從海南島回來!每年26/6生日我都會去旅行渡過,今次最開心就係同阿豪去到一間好靚既溫泉酒店,裡面有一個溫泉池有好魚仔同我地一齊浸,d魚仔會游過來咬我地對腳,好得意架!間酒店出面有海灘,我地4:45am落到去諗住睇日出,但太多雲喇,最後都係睇唔到,失望而回!雖然我唔識游水,但我好鍾意陽光海灘,本來諗住浮潛,但海南島d海水好喊,唔夠清,大浪,唔可以好似在馬來西亞咁在岸邊睇魚仔,只好玩沖浪啦,同影吓相!跟旅行團有樣唔好,就係玩的時間太短,次次玩到最開心就要人走!-_-" 就成日用晒d時間帶人地去買野!我都係鍾意自游行多d!我覺得海南島好落後,雖然周圍都建緊酒店,但最多就是 田,牛,椰子!衛生都麻麻,食又麻麻,仲有排進步!

今晚阿豪企澳門返黎,我第一次整燭光晚餐,我第一次整黑椒牛扒,本來諗住等佢生日至整,但我都可能過澳門冇機會整,出街食多架喇,so自己好似同自己慶祝咁,整左黑椒牛扒,吞拿魚鬆焗意粉,本來仲想整埋甜品,但兩個人都食唔到咁多野.....加埋音樂,酒,氣氛唔錯^^"

剛剛我寫日記時,外面仲閃緊電,但當我寫完,打開個窗,我見到好靚既日出,好耐冇見過日出喇,好快個天就已經光晒,我仍然未瞓囉,d時間唔等我!雖然我唔洗返工,但我都唔應該係咁,應該調整返睡著既時間!我以前都唔會咁既,這幾日都好夜瞓,等二日又唔願起身喎,好過份囉!明天唔會俾這些事發生!

29/5 今日上左好好的一課,我返到屋企已經晚上2:00,想瞓,但瞓唔著,我一直諗緊究竟我過緊咩既生活,
我覺得自己好幸福呀!父母健在,屋企由細到大都冇俾壓力我,我又唔洗為佢地生活擔心,只要我開心,父母就會開心!雖然佢地唔會講出口,但我知道佢地好鍚我!
雖然我男朋友企澳門工作,唔可以每日陪我,但這樣也好,我可以多d時間陪屋企人,搵吓朋友!多左好多空間可以做吓想做既事,如果男朋友返黎我一定會選擇陪佢先,因為我會將愛情放在第一位!
遲左職之後,陪屋企人多左,多左一齊食飯,我睇到佢地開心左!都是一件好事!我喜歡我宜家過緊的生活!有一間屬於自己既屋,仲有狗仔陪我添,已經好好喇!
但仲有一樣我未做好,就係我既事業,開始要創造,近排有點失意,唔係咁順利,但當中我亦有所得著,我同自己講唔緊要啦,起碼我已經踏出左第一步先,睇到有好多人支持我,我唔應該咁易失望,再諗多d方法,快d解決佢至啱,回想我之前都好有決心要做,呢幾日我真係浪費緊自己d時間,我俾左好多借口自己偷懶呀,其實點都要解決架啦!一定要快d完成喇!

剛去完旅行,阿豪都放完大假返左澳門啦!我又開始做吓自己想做既事,今日約左阿ming和娥姐食lunch,我俾左d台灣首信俾佢地,ming在我去旅行時幫我收左d貸版俾我,都做得幾靚,希望第一單生意順順行利啦,不過仲未知道d價$有d疑惑唔知點定價好!另外我又入左d貸試吓企個客度寄賣,未知成績如何,希望多一個方法賺錢!呢排諗到d新野就去試吓,其實都唔知得唔得,有時諗得好完美,好開心,但行起上黎又覺得唔係咁易,咁快見成效!可能我太心急喇,應該俾多d時間去睇.......但其實這段時間我學到很多,感受到很多,我唔會俾自己太大壓力,有時真係覺得自己想得太多,在未開鋪這段時間,我應該放鬆d,休息吓先至係!