alanの部屋

11月29日, 小草受到太陽滋潤後, 已經比之前茂盛~~~~~足球場仍未生得多d, 但哥爾夫球場已經多左好多

11月27日, 今日響公司, 撞到膝頭哥對上位置, 令我未能夠屈膝.......仲好痛添, 點解要臨放假先黎整到呢?? 好鬼痛亞喂~~~~~~希望可以快d好得返啦

老豆之前自製臘肉, 唔知幾時可以吃.........

11月26日, 放置一星期後,終於都有草出現, 太開心喇!!!!!!之前因天氣太凍,小草一直未能發芽, 直至天氣回暖,一切重現生機!!!!!!

11月21日, 今朝起身突然又凍左, 正式係凍兩日又熱一日.....離晒譜, 天寒地凍原本都唔想食咁多野, 因為會變肥, 而家我已經去到150幾磅......不過唔補充足夠熱量,根本唔可以維持體力,於是....................當然係繼續食啦!!!!!!!!!!

今日買左個厚燒雞腿包餐配雞翼, 再加芝士醬薯格同兩件辣家鄉雞.........呢度應該有over 1千既卡路里......

11月17日, 今日收工後, 去左扭旦, 終於扭到草皮........除左蘭花之外, 今次終於可以試下種草.......

10月24日, 前晚收工之後, 去左菜街買埋支影close up 既人像毒鏡, 咁又使左2900蚊喇~~~
係nikon 60mm micro 2.8D , 呢支平過買新版本, 不過衰在就係冇左超聲波摩打, 對焦會比較慢, 由其低過 1: 3 ( 30cm ) ,佢開始係慢慢對焦的, 有時真係用手動對焦會比佢快啦

真係想快d去試試佢, 影人全身的話, 同50mm 1.4 既散景會有幾大分別............當然仲有影close up 睇下nikon 鏡有幾sharp 啦, 之前借pakky 果支玩過, 已經係極度之sharp 爆mon,而家自己擁有喇wor~~~

結果今日lunch 買kfc 返黎屋企, 之後就慢慢試鏡, 後來又影下電話又影下其他野咁啦~~~

7月24日, 收工之後返屋企, 做左3個半鐘頭既小手作, 好耐冇做呢d兒時玩物........飯都仲未食亞~冊~



使用時一口氣開晒出黎, 一定好壯觀^^

7月22日, 今朝早係500年一遇既日全蝕, 我有幸去左上水個貨櫃場做野, 體驗到香港既日偏蝕, 真係食到最多既一刻, 氣溫大約涼左10度左右, 天既光度都低左,而從新聞得知, 大陸幾個睇到日全蝕既地方, 都分別出現呢個情況, 但亦有一兩度地方, 係落大雨非常之掃興...........

我信我之後都唔會咁易有機會再睇到日全蝕..............天亞~~~~~~

7月20日, 今朝早返到公司, 有突發事需要入去上水驗一驗貨, 所以拿拿聲出發入貨櫃場等, 後來等到有貨到,經已係12點幾最曬果段時間, 食完lunch 之後先繼續驗貨, 但因為我批貨有好多箱都濕左,於是拎左佢出黎曬太陽, 我結果驗貨時陪埋d貨一齊曬, 因為太熱喇, 我忍唔住除左衫直接曬太陽, 咁樣個身會散熱得好d, 同埋唔會俾d 汗醃返臭自己, 驗完貨之後, 我返屋企發現自己又再黑左............我果然係"立即變黑".............哈哈哈哈

7月19日, 朝早之前經歷完9號風球既時光( 訓緊覺豬........), 老豆自己去完飲茶返到屋企, 我同佢不約而同地話想去下白泥d魚場釣魚, 於是就出左去玩左一個下晝, 打完風之後, 個天簡直係風和日麗, 我經過5小時既曝曬, 終於有少少成績, 我變返黑左........但依然都係冇變古銅色,睇黎我既皮膚體質, 只係會"立即變黑....."

最後,我同老豆臨走之前, 去左流浮山碼頭睇日落, 可惜買唔到條游水 石鯛 返黎做刺身食......唉~~~