alanの部屋

10月24日, 前晚收工之後, 去左菜街買埋支影close up 既人像毒鏡, 咁又使左2900蚊喇~~~
係nikon 60mm micro 2.8D , 呢支平過買新版本, 不過衰在就係冇左超聲波摩打, 對焦會比較慢, 由其低過 1: 3 ( 30cm ) ,佢開始係慢慢對焦的, 有時真係用手動對焦會比佢快啦

真係想快d去試試佢, 影人全身的話, 同50mm 1.4 既散景會有幾大分別............當然仲有影close up 睇下nikon 鏡有幾sharp 啦, 之前借pakky 果支玩過, 已經係極度之sharp 爆mon,而家自己擁有喇wor~~~

結果今日lunch 買kfc 返黎屋企, 之後就慢慢試鏡, 後來又影下電話又影下其他野咁啦~~~

7月24日, 收工之後返屋企, 做左3個半鐘頭既小手作, 好耐冇做呢d兒時玩物........飯都仲未食亞~冊~



使用時一口氣開晒出黎, 一定好壯觀^^

7月22日, 今朝早係500年一遇既日全蝕, 我有幸去左上水個貨櫃場做野, 體驗到香港既日偏蝕, 真係食到最多既一刻, 氣溫大約涼左10度左右, 天既光度都低左,而從新聞得知, 大陸幾個睇到日全蝕既地方, 都分別出現呢個情況, 但亦有一兩度地方, 係落大雨非常之掃興...........

我信我之後都唔會咁易有機會再睇到日全蝕..............天亞~~~~~~

7月20日, 今朝早返到公司, 有突發事需要入去上水驗一驗貨, 所以拿拿聲出發入貨櫃場等, 後來等到有貨到,經已係12點幾最曬果段時間, 食完lunch 之後先繼續驗貨, 但因為我批貨有好多箱都濕左,於是拎左佢出黎曬太陽, 我結果驗貨時陪埋d貨一齊曬, 因為太熱喇, 我忍唔住除左衫直接曬太陽, 咁樣個身會散熱得好d, 同埋唔會俾d 汗醃返臭自己, 驗完貨之後, 我返屋企發現自己又再黑左............我果然係"立即變黑".............哈哈哈哈

7月19日, 朝早之前經歷完9號風球既時光( 訓緊覺豬........), 老豆自己去完飲茶返到屋企, 我同佢不約而同地話想去下白泥d魚場釣魚, 於是就出左去玩左一個下晝, 打完風之後, 個天簡直係風和日麗, 我經過5小時既曝曬, 終於有少少成績, 我變返黑左........但依然都係冇變古銅色,睇黎我既皮膚體質, 只係會"立即變黑....."

最後,我同老豆臨走之前, 去左流浮山碼頭睇日落, 可惜買唔到條游水 石鯛 返黎做刺身食......唉~~~

7月17日, 今日早收工, 於是返屋企之前, 去左屯門市中心買碟, 行到去見到原來果間dvd店真係有搞簽名會, 仲要係響返市中心舉辦添, 好開心亞, 自從06年亞kay 生日會之後之後, 都冇面對面咁見亞kay仲講得野果隻, 之前去睇完concert 散場去見左亞kay 一面, 今次終於再可以更加近咁見面喇!!!!!!!!

好懷念當晚既live, 睇返隻dvd 雖然有d唔齊 mc 位/ 開場同間場的絕密video, 仲有d 應該係最尾場而唔係我睇果場, 但都係一個好好既回憶.......快d到8月2號, 去搵亞kay簽左隻dvd 佢先得啦^^

7月15日, 夜晚去左尖沙咀美麗華商場地庫既 todai 食自助餐, 我同亞妹仲有亞ray 完全冇通知過老豆, 係會送生日旦糕的, order 左佢地送上旦糕時, 老豆顯得有少許surpise , 其後老豆做左一樣更嚇人既事...............就係........好多手!!!!!!!

好難得既全家福, 要感謝 todai 熱心既男員工幫忙做攝影師

呢一碟係亞妹同亞ray 出去拎既十色甜品~~~~

7月12日, 科大day 2 , 今日繼續再影過, 終於叫做好好天, 非常之開心.........
好簡單咁又過左一日, 但今日就撞唔見好多fd 囉........

今日感謝kumo, 千鶴, 亞刻, 向映晴, 魔月, 櫻科, 風間靈, 海月, 莫旋, heidi 同其他人

7月11日, 今日係打風的, 但係結果出到去, 只係落過一兩場雨, 個風就好似走左一樣, 仲有藍天白雲俾大家影添, 真係好諷刺.........咁樣都叫 3號風球囉

上年因為出差去左青島, 而冇出席到科大2008 , 今年終於去到喇, 但原來而家d新人, 係比空氣更多, 我3點幾去到, 行左噴水池一個圈, 認識既人只有兩位攝影師...........冇一個coser 係我識的, 呢個真係好邪門

今日多謝玲子, sorry妹妹, 小詠, 葵子, 泉子, 魔月同hisui 等~~~~~~~

7月10日, 鬥平鬥賤, 買d過時既科技產品, 難度真係咁好? 定係買唔起唔捨得, 真係兩回事, 有人初學就投大量資金,但亦有人口聲聲話幾百蚊買舊款野買2,3,4手既野玩......捱窮, 麻煩就唔好玩攝影.......呢樣野實在需要無上限既金錢投放,在此又純粹計算一下, 近來買過既兩套單鏡機系統既價值

富士s5 pro => $6880

tokina 11-16mm F2.8=> $4300
tamron 17-50mm F2.8=> $2880
nikon 35mm F2.0 => $2200

nikon sb-80dx => $1100
nikon sb-800 => $2750

minolta X-700 => $900

(左上起)tamron 17mm F3.5 => $1800
tamron 24mm F2.5 => $1400
minolta 100mm F2.5 => $1600
ozunon 135mm F2.8 => 唔知幾錢, 老豆買的
(左下起)minolta 28mm F2.8 => $890
minolta 35mm F2.8 => $400
minolta 45mm F2 => 唔知幾錢,老豆買的
minolta 50mm F1.4=> $450

合共大概係 $27550 左右.........
呢個亦只係單鏡機身同鏡頭的數值...........試問一句,買返黎既野冇一樣既質素係低,我又何必要買d最平最殘最cheap既貨, show off 自己外面識朋友多,又易搵到筍野(次品廢品就真啦),定係呻自己窮困,買唔起靚野就真係見人見智喇

在此獻給某君~~~~~阿彌陀佛